የእቃ እና የገንዘብ ተመላሽ ፖሊሲ

ለመጨረሻ ጊዜ የተሻሻለው፦ ነሐሴ 5, 2017 ዓ.ም.

1. የእኛ “በር ላይ የመሞከር” አገልግሎት

በጋቢ፣ የኦንላይን ፋሽን ግብይትዎን በማይታመን መንገድ ቀይረናል። በግዢዎ ሙሉ በሙሉ ደስተኛ መሆንዎን ለማረጋገጥ ልዩ የሆነ “በር ላይ የመሞከር” የመመለሻ ፖሊሲ እናቀርባለን። ይህ ማለት እቃው ሲደርስዎት ብቁ የሆኑ እቃዎችን የመመርመር እና የመሞከር እድል ይኖርዎታል፤ ይህም ከአደጋ ነጻ እና በልበ ሙሉነት የግዢ ተሞክሮ ይሰጥዎታል።

2. በበር ላይ የመመለስ ሂደት

ተመላሾች ተቀባይነት ያላቸው በሚደርሱበት ወቅት ብቻ ሲሆን፣ ይህም አሽከርካሪያችን በሚገኝበት ጊዜ ነው።

• የመፈሻ ጊዜ፦ እቃዎቹን ለመፈተሽ እና ብቁ የሆኑ ልብሶችን በመሞከር ልክ እና ስታይሉ ለእርስዎ ትክክል መሆኑን ለማረጋገጥ ከ10-20 ደቂቃዎች ይኖርዎታል። አሽከርካሪያችን በዚህ ጊዜ በትዕግስት እንዲጠብቅ ቢታዘዝም፣ የማድረስ የጊዜ ሰሌዳውን ለማክበር ከተጠቀሰው ጊዜ በላይ መጠበቅ አይችልም።

• እንዴት እንደሚመለስ፦ አንድን እቃ ላለመውሰድ ከወሰኑ፣ በቀላሉ ለአድራሻችን መልሰው ይስጡት።

• የመጨረሻ ሽያጭ፦ አንዴ አሽከርካሪያችን ከሄደ፣ ሽያጩ እንደ መጨረሻ ይቆጠራል እና ምንም ተጨማሪ ተመላሾች ተቀባይነት አይኖራቸውም።

3. ለመመለስ ብቁ ለመሆን የሚያስፈልጉ ሁኔታዎች

አንድ እቃ በበር ላይ ለመመለስ ብቁ እንዲሆን የሚከተሉትን ሁኔታዎች ማሟላት አለበት፦

• በነበረበት ኦርጅናል፣ ያልተለወጠ እና ያልተበላሸ ሁኔታ ላይ መሆን አለበት።

• ሁሉም ኦርጅናል ታጎች (tags) መጀመሪያ ከእቃው ጋር እንደተያያዙ መሆን አለባቸው።

• እቃው በራሱ ማሸጊያ (ለምሳሌ፦ የጫማ ሳጥን) ከመጣ፣ ያ ማሸጊያም አብሮ መመለስ አለበት።

4. ለመመለስ ብቁ ያልሆኑ እቃዎች (የመጨረሻ ሽያጭ)

የሚከተሉት እቃዎች ለንፅህና እና ለደህንነት ሲባል ከታዘዙበት ጊዜ ጀምሮ እንደ መጨረሻ ሽያጭ ይቆጠራሉ እና በምንም አይነት ሁኔታ ሊሞከሩም ሆነ ሊመለሱ አይችሉም፦

• ፓንቶችና እና ካልሲዎች

• የዋና ልብሶች

• ቆቦች እና ኮፍያዎች

• የጆሮ ጌጦች

• በእቃ ገጹ ላይ “የመጨረሻ ሽያጭ” ተብሎ በግልጽ የተመለከተ ማንኛውም ሌላ እቃ።

5. የገንዘብ ተመላሽ እንዴት እንደሚፈጸም

የእኛ የገንዘብ ተመላሽ ሂደት ቀላል ሲሆን መጀመሪያው በመረጡት የክፍያ ዘዴ ላይ የተመሠረተ ነው።

• በቅድሚያ ለተከፈሉ ትዕዛዞች (ለምሳሌ፦ በሞባይል ገንዘብ)፦ በቅድሚያ ከተከፈለ ትዕዛዝ ላይ አንድን እቃ ከመለሱ፣ ለተመለሰው እቃ(ዎች) ሙሉ የገንዘብ ተመላሽ በ24 ሰዓታት ውስጥ በመጀመሪያ በመረጡት የክፍያ ዘዴ ይደረጋል።

• ሲደርስ በጥሬ ገንዘብ ለሚከፈሉ ትዕዛዞች፦ ሲደርስ በጥሬ ገንዘብ ከሚከፈል ትዕዛዝ ላይ እቃ ከመለሱ፣ በቀላሉ ለማቆየት ለወሰኗቸው እቃዎች የተስተካከለውን አዲስ ጠቅላላ ሂሳብ ለአሽከርካሪው ይከፍላሉ።

6. በከፊል ተመላሾች እና የማድረሻ ክፍያዎች ላይ ያለ ፖሊሲ

ከአንድ ትልቅ ትዕዛዝ የተወሰኑትን እቃዎች መመለስ (በከፊል ተመላሽ) እንቀበላለን። እባክዎ ይህ የማድረሻ ክፍያዎችን እንዴት ሊቀይር እንደሚችል ልብ ይበሉ፦

• የእኛ የነጻ ማድረሻ ቅናሽ የሚሰራው የትዕዛዝዎ ጠቅላላ ዋጋ ከተጠቀመጠው ገደብ ጋር እኩል ሲሆን ወይም ሲበልጥ ነው።

• በከፊል ተመላሽ ምክንያት የመጨረሻው የትዕዛዝዎ ጠቅላላ ድምር ከነጻ ማድረሻ ገደብ በታች ከቀነሰ፣ መደበኛው የማድረሻ ክፍያ ተፈጻሚ ይሆናል።

  • በቅድሚያ ለተከፈሉ ትዕዛዞች፦ የማድረሻ ክፍያው ከጠቅላላ ተመላሽ ገንዘብዎ ላይ ይቀነሳል።

  • ሲደርስ በጥሬ ገንዘብ ለሚከፈሉ ትዕዛዞች፦ የማድረሻ ክፍያው በአዲሱ የመጨረሻ ክፍያዎ ላይ ይጨመራል።

7. ተቀባይነት ያላቸው የመመለሻ ምክንያቶች

ማንኛውንም ብቁ የሆነ እቃ በሚከተሉት ምክንያቶች በበር ላይ መመለስ ይችላሉ፦

• ሳይዙ ወይም ልኬቱ ለእርስዎ ትክክል ካልሆነ።

• እቃው የሚታይ ጉዳት ወይም ጉድለት ካለው።

• የተሳሳተ እቃ ከደረሰዎት።
  
  

• እቃው በምርት ገጹ ላይ ካለው ፎቶ ወይም መግለጫ በእጅጉ የተለየ ከሆነ። አንድ እቃ “በእጅጉ የተለየ” ነው የሚባለው ዋና ዋና ባህሪያቱ (ለምሳሌ፦ የጨርቁ አይነት፣ የቀለም ቤተሰብ፣ ስርዓተ-ጥለት) ካዘዙት ሙሉ በሙሉ የተለየ ሲሆን ነው።

8. የፖሊሲ ማሻሻያዎች

ጋቢ ይህንን የእቃ እና የገንዘብ ተመላሽ ፖሊሲ በማንኛውም ጊዜ የማሻሻል ወይም የማዘመን መብቱ የተጠበቀ ነው። ማንኛውም ለውጦች በድረ-ገጻችን ላይ ከተለጠፉበት ጊዜ ጀምሮ ወዲያውኑ ተፈጻሚ ይሆናሉ። በዚህ ገጽ አናት ላይ ያለው “ለመጨረሻ ጊዜ የተሻሻለው” ቀን ሁልጊዜ በጣም ወቅታዊ የሆነውን ፖሊሲ ያሳያል። ይህንን ፖሊሲ በየጊዜው መከታተል ይጠበቅቦታል።